سامحينى يا أمى ياحبيبتى

Elshazly Abdallah‎

سامحينى يا أمى ياحبيبتى
------------------------------
------------------------------
عينى عليكى يامحروسة ---
حراسك بيتخانقوا عليكى ---
سيبينك لايصة ومحتاسة ---
والدنيا لفة حواليكى ---
ودموعك نازلة على خدك ---
ولا واحد فكر يمسحها ---
ادعيلهم يمكن بدعاكى ---
يتلم الشمل ويتصالحوا ---
وترجع المية لمجاريها ---
ويقعدوا مع بعض ويتفاهموا ---
والكل يسلم على كله ---
وتفرحى من تانى يامحروسة ---
ونرجّع مجدك الغالى ---
وعلى عرشك قاعدة ومبسوطة ---
وطلباتك تنفذ فى ثوانى ---
واوامرك ع الراس محفوظة ---
وحياتك عندى يامحروسة ---
مش عايزك تكونى زعلانة ---
سامحينى يا أمى ياحبيبتى ---
مش حغلط فى حقك من تانى ---
-----------------------------------
رزقنا الله واياكم حب مصر مع سبق الاصرار والترصد ---
--------------------------------------------------------
فانه سبحانه وتعالى ولى ذلك والقادر عليه